Feiere middm Sündi aus Marzahn
Aaaaach, eigentlich wollt ich dies Johr gar nit uff die Faasenacht. Ma iss halt nit immer in Stimmung. Dann bin ich awwa doch gang. An da Weiwafaasenacht - ohne Koschdümm. Doodevor ware awwa die annere vaklääd bis üwwa die Ohre. Sie glaawe gar nit, wieviel Sündies ich getroff hann. Kenne Sie aach: es Sündi aus Marzahn, das dick Määde von RTL mit dem pinkfarbene Nicki-Jogging-Aanzuch
Aaaaach, eigentlich wollt ich dies Johr gar nit uff die Faasenacht. Ma iss halt nit immer in Stimmung. Dann bin ich awwa doch gang. An da Weiwafaasenacht - ohne Koschdümm. Doodevor ware awwa die annere vaklääd bis üwwa die Ohre. Sie glaawe gar nit, wieviel Sündies ich getroff hann. Kenne Sie aach: es Sündi aus Marzahn, das dick Määde von RTL mit dem pinkfarbene Nicki-Jogging-Aanzuch. Doo ware so viel Sündies im Saal. Jetzt wääß ich aach, wo das Wort Sündikat herkummd.Unn e Haufe Biene ware doo. Die hann beschdimmd aach beim selwe Internett-Koschdümm-Versandhandel beschdelld. Mit ihre waggelische Plüsch-Fühlerscher am Kopp hann die mool scheen enna gehoob. Ich selwa war ganz scheen aardich, bin früh widda weg. Drei klitzeklääne Crémöngscha getrunk und ab hemm. Hann joo müsse schaffe gehn am Daach druff. Unn was schreiwe, wie ma sidd.
Heid Owend geht's wahrscheinlich weida. Doo muss ich mich awwa vaklääde. Sunschd saan die all: Das doo hadd üwwahaupt kään Humor.
Alleh hopp! Nächschd Woch wird's widda ernschd.
