So spät noch uff in "blauer Lagune"?

So spät noch uff in "blauer Lagune"?

Seit Weihnachde strahlt joo unser Sauna im "blau" in neijem Glanz, dass mer se faschd schunn in blaue Lagune umdaafe kinnd. Unn die erhiddsde Gemieder aus Nah unn Fern kinne jedds in aller Ruh es luxuriööse Ambiende drummerumm geniese. Weil de Wellnässe-Bereich durch denne Umbau e bissje besser geejes Schwimmbad abgeschirmt iss

Seit Weihnachde strahlt joo unser Sauna im "blau" in neijem Glanz, dass mer se faschd schunn in blaue Lagune umdaafe kinnd. Unn die erhiddsde Gemieder aus Nah unn Fern kinne jedds in aller Ruh es luxuriööse Ambiende drummerumm geniese. Weil de Wellnässe-Bereich durch denne Umbau e bissje besser geejes Schwimmbad abgeschirmt iss. Woos joo vor lauder Begeischderung akusdisch immer ziemlich hoch hergeht. Unn desweeje derf mer dann als normalerweis kriddischer Beobachder de Verantwortliche aach mool e Komplimend mache. Unn aach de Aangeschdellde, wo zu voorgeriggde Stunne noch im Insadds sinn. Die hann doo jeede Daach e Dienschdleischdungs-Oowend und das sogar an de Feierdaache unn am Wocheenn. Wo doch sunschd sovill iwwer die Söörwiss-Wüschde gemoosert werrd. Awwer wie das so iss im Lääwe, irjendwann nemme die Leid das fier selbschdverständlich. Unn de Kunne, wo joo bekanntlich e klääner Keenisch iss, reagiert sauer, wanner nidd das kried, wassem gewohnheitsrechtlich zusteht. So hann ich selwer erlääbt, wie am zwädde Weihnachdsdaach um sechs sich jemand weehemend beschwert hadd, dass die Sauna um 8 Uhr oowends schunn widder zu macht. Wo se doch sunschd Samschdaachs immer bis 10 Uhr uff wäär. Unn so dääd das aach im Internedd stehn. In soome Fall helffd am beschde tief durchatme unn kurz unner die kald Braus. Also wann sie demnäägschd mool widder ihr wohlverdiender Feieroowend geniese, denke se mool an all die, wo um die Zeid noch Dienschd schiewe misse. Wie zum Beispiel im Krangehaus odder uff der Wach. Unn an die, wo midde in der Naachd die warm Zeidung in de kalde Briefkaschde leeje. Wann die, woo se lääse noch in de Feddere leije unn vun blaue Lagune drääme.

Mehr von Saarbrücker Zeitung