"Nää", saader dsem Oddo, "awweile langds. Isch holle mier känn Audo meh." "Geh, Jubb, dò genn doch jeddse egsdra Lehrgäng aangebodd: Schlaachloch-Slaalomm uff der Buggelpischd. Eschd glòòr. Kummsch hald nuur nidd vorraan." "Isch wääs jò nidd, fer was unser Schdròòse nimmeh gefliggd genn. Die Leid hann doch nidd genungg Flogge, fer sisch allegebodd e nei Schees se kaafe", mooserd de Jubb. "Ei velleischd, weil se rischder solle Dsuuch fahre. Sunsch kummd die Bahn jò gaar nimmeh aus de Miese." "Kumm, geh ford, Oddo, mer wisse doch, was die fer Huddel hann midde kabbudde Schiene. Unn äärschd die Brigge! Mennschde, isch hugge misch in e voller Dsuuch, wo mid Schmagges iwwer so e bräggelisch Brigg dunnerd? Nää dangge!" "Dò hasche wòhr, Jubb. S beschd bleibsche glei gans dehemm." "So siehsch duu aus! Verdsähl das emò meim Scheff! Wääsche was, Oddo? Mòòrje kaaf isch mer e Päärd. Das iss hunnerd Broddsend bieo, unn isch wissd aach nidd, dass die Päär so e Abgaas-Ausschdoos hädde wie die Rindviescher." "E gudd Iddee, Jubb. Muschd awwer immer e Schibb unn e paar Tuude midholle, wann de loosreidschd. Die Päärds-Äbbel därfsche jò nidd leie losse." "Geh, Oddo, dò brauch isch doch känn Tuude. Midde Päärds-Äbbel duun isch die Schlaachläscher ufffille. Die Iddee hann isch mer schunn baddendiere geloss." "Unser Jubb unn e Päärds-Äbbel-Baddend? Wääsche was? Veräbbele kann isch misch selwerd!"

Evelyn Treib schreibt in Hochdeutsch und Saarbrücker Mundart. Ihre letztenVeröffentlichungen gemeinsam mit Edith Braun waren: "Necknamen und Schimpfnamen saarländischer Orte" sowie "Keine Fisimatenten".