Tragisches unn Luschdisches

Graad vor kurzem hannse joo schunn nommool denne nobele Preis fier Lidderaduur vergebb. Unn wie ich mir das schunn faschd hann kinne denke, bin ich als widder iwwergang worr. Obwohl, allzu traurisch muss mer doo nidd sinn, wammer bei der Verleijung leer ausgang iss, mer iss nämlich doodebei in beschder Gesellschaffd

Graad vor kurzem hannse joo schunn nommool denne nobele Preis fier Lidderaduur vergebb. Unn wie ich mir das schunn faschd hann kinne denke, bin ich als widder iwwergang worr. Obwohl, allzu traurisch muss mer doo nidd sinn, wammer bei der Verleijung leer ausgang iss, mer iss nämlich doodebei in beschder Gesellschaffd. Die Fachleid saan sogar, dass graad die greeschde Lidderaade de Nobelpreis eewe nidd kried hann. Awwer wahrscheins leids aach doodraan, dass die wo das se entscheide hann, des Saarlännischen nidd matz sinn. Unn unser Dialeggd sich so schwäär in annere Kulduursprooche iwwerseddse lossd. Weil dann joo es beschde sowieso verloor gehn werrd. Awwer es gebbd joo aach Geejebeweechunge. Ich menn, dass Leid vun drause ausem Reich, wo mool nur so aus Jux unn Dollerei fremde unn eggsoodische Volksstämm studiere wolle, sich intensief fier unser Ländche inderessiere. Die näägschd Wuch kummt so änner noo Dengmerd, der wo fier sei Feldstudie sich sogar hie niddergeloss hadd. Unn er lääsd dann in der Stadtbiecherei aus seinem neije Buch Saar Sammelsurium. Wo er, wie de Noome schunn saad, alles meeschliche unn unmeeschliche iwwers Saarland sesamme gestellt hadd, wasser so ermiddelt hadd: Skurriles, Erstaunliches unn Luschdisches. Apropos luschdisch, in vierzehn Daach iss joo in der Stadthall widder Teaader-Abo unn doo steht e Stigg namens Tannöd uffem Programm. In der Aankinnischung hannse geschrieb, das wär e Kriminalkomödie. Das kinnd allerdings bei de Besucher zu Irritazione fiehre. Weil das nämlich uffme wirkliche Kriminalfall beruht unn e ziemlich tragischi Geschicht iss. Faschd so tragisch wie das midd dem Nobelpreis wo ich nidd kried hann.

Meistgelesen
Neueste Artikel
Zum Thema
Aus dem Ressort