Das gridd allgebodd nuur e Mann hin! De erschd muss mer iwwerhaubd die rischdisch Dseid finne, wammer so e Aarwed machd - nidd dse frieh unn nidd dse schbääd. De beschd fangd mer nò nein Uhr aan, wann se all ihr Mòrjegeschäfd erleedischd hann. Dò hollschde dei Bumbedsang, de Schrauwedräher unn aa noch e Flachdsang, dass de alles beisamme haschd, wanns dser Sach gehd. Mer lehd sisch danne uffe ald Degg nääwes Gloo, wie wammer unnerm Audo schaffd, fier die Schrauwe vum Deggel am Gloo vun unne loos dse drähe. Meischd sinn die aarisch feschd gedrähd, fier dass de Gloosidds nidd verrudschd iwwer die Jòhre. Kannschd druff wedde: Kaum hasche aangefang, kummd der Glään unn muss emòò, graad wierer disch aam Schaffe gesiehn hadd. "Sedds ne dissmò uffs Hääbsche!", saaschde dsu deiner Fraa, die genau wääs, dass disch so ebbes nervd.

Wann de endlisch die Schrauwe abhaschd, muschde de neie Gloosidds vermesse, nidd dasser dse kurds odder dse lang iss unn aam Enn noch iwwerschdehd. Mer glaabd jò nidd, was die Leid heidsedaachs fier Sorde vun Gloosiddse kaafe. Unn die solle uff all meeschlische Gloos, woos gebbd, basse. Es gebbd jò soggaar Gloodeggel mid Schdoosdämfer, die woo nimmeh glabbere, odder annere hann Biller uffem Deggel. Der leddschd hann isch ääner gesiehn, der hadd seggaar Schdacheldròhd uff der Brill gehadd. Dò grischde die Grussele, fier disch dò druffdsehugge, aach wanns nuur e Bild iss.

Wann de danne de neie Gloosidds midde Schrauwe rinngedrähd haschd, bringd dei Fraa e Flasch Bier, weil Deins genau wääs, dass so e Männeraarwed Durschd machd. Unn de bischd dsefridde, weil de middem Gloo fier die näggschde drei Jòhr dei Ruh haschd. Jedds gehds danne nuur noch drum, wer die erschd Siddsung hann därf.

Georg Fox ist saarländischer Autor aus Püttlingen-Köllerbach. Demnächst erscheint sein neues Audiobuch "Òòmends schbääd - saarländische Nachtgedanken" www.nachtgedanken-saarland.de