Saa, was de willschd!
Saas doch!" hadder gesaad. Was mer saan will, muss mer saan! Was mer will, muss mer saan. Was mer saad, muss mer wolle. Wann mers saad, isses schunn halb gemach. Es gebbd gesaad, was mer saan muss, unn es gebbd gemach, was gemach genn muss! Will mer ebbes saan, muss mer ebbes saan, will mer ebbes mache, muss mer ebbes mache! Eischendlisch muss mer nur wolle, danne kann mer aach mache
Saas doch!" hadder gesaad. Was mer saan will, muss mer saan! Was mer will, muss mer saan. Was mer saad, muss mer wolle. Wann mers saad, isses schunn halb gemach. Es gebbd gesaad, was mer saan muss, unn es gebbd gemach, was gemach genn muss! Will mer ebbes saan, muss mer ebbes saan, will mer ebbes mache, muss mer ebbes mache! Eischendlisch muss mer nur wolle, danne kann mer aach mache. Wer saad, er will unn kann nidd, der kann nidd, weil er nidd will. "Mach nur!" saad mer, wann mer ääner nur mache lasse will. Saa nur, ob de willschd, danne machschde, was de saaschd! Saa, wie de willschd! Saa, was de willschd! Saa, ob de iwwerhaubd willschd! Wer will, musses saan! Mer muss nur wolle, wann mer ebbes will. Nur dse saan, was mer will, machd noch niggs, mer muss aach mache, was mer will!
Will mer, was mer saad, will mer was mer kann, kann mer, wann mer will, machd mer, was mer kann? Gudd gesaad iss halb gemach, gudd gewolld, iss halb gesaad! Isch kann der saan, was mer gäär saad. Saan se, was se wolle, wann se wolle, was se saan! Wer will saan, was mer saan soll?
"Mach, was de willschd!" hadd se gesaad, wie isch gesaad hann, dass isch mache, was isch will. Wer will, kann! Wer kann, machd! Wer machd, will! Mach, was de willschd! Mach, wie de willschd! Mach, wann de willschd! Wer mache will, kann mache! Wer mache kann, kann wolle! Wer wolle kann, kann mache. "Saa, was de willschd!" haddse gesaad, wie isch gesaad hann, dass isch saan, was isch will. "Will doch, was de willschd!" haddse gesaad, wie isch gesaad hann: "Wann isch will, will isch!"
Gudd gewolld, iss nidd immer schunn so gudd wie gemach! Gudd gesaad, iss nidd immer gudd gemach! Gudd gemach, iss nidd immer gudd gewolld! Wer will, kann mache! Wer machd, muss wolle! Wer will, kann saan, was er will, wanner will, was er saad. Isch will mò saan, dass mer nidd alles kann, was mer so saad, unn dass mer nidd alles saad, was mer kann. Wers kann, musses aach mache! Dò machschde besser niggs, sunschd muschde mache, was de kannschd. Wer saad, was er will, kann saan, was er will! Wer will, was er saad, kann wolle, was er will! Wer will, was er will, kann saan, was er saad! Mer saad jò nur, was mer saad!
Kann mer saan, was mer will? Kann mer wolle, was mer will? Gudd gesaad, is halb gewolld! Gudd gewolld, is halb gemach! Mier saan, was mier saan! Mier kinne, was mier saan! Mier wolle, was mier saan! Wer saad schunn, was er will? Saa, was de willschd! Was soll mer dò noch saan? Dò saaschde gaaniggs meh!
Georg Fox schreibt in rheinfränkischer Mundart. Bisweilen spielt er mit Wörtern der Mundartsprache. Seine jüngste Veröffentlichung ist das CD-Hörbuch "Gudd druff" (CMO-Music).
