Milljoone unn Pienadds

Mer muss sich jedds widder wärmer aanzieje, weil so langsam nochmool die sääsonaale Kaltfronte unn Tiefausleifer uff uns zukomme. Wos aach um Hööje unn Tiefe geht, das iss bei de Preise unn Gebiehre. Unn doo kummt scheins aach e Schlechtwedderfront uff uns zu, noo allem was mer so in der Zeidung lääst. Die Grundsteier hann se in Dengmerd schunn mool erheed

Mer muss sich jedds widder wärmer aanzieje, weil so langsam nochmool die sääsonaale Kaltfronte unn Tiefausleifer uff uns zukomme. Wos aach um Hööje unn Tiefe geht, das iss bei de Preise unn Gebiehre. Unn doo kummt scheins aach e Schlechtwedderfront uff uns zu, noo allem was mer so in der Zeidung lääst. Die Grundsteier hann se in Dengmerd schunn mool erheed. Unn was am Enn vumm Wiegenlied bei de neije Abfallgebiehre erauskummt, das wääs mer aach noch nidd so genau, awwer wahrscheins nix Guddes. Dass aach de Strom ball kräffdisch deirer werrd, das hädd rein ökologische Gründe, hadds gehiesch. Sauwer, kammer doo nur saan. Unn fier bei de Arzt kannschde demnäägschd dann e Kredidd uffnemme, weil de midd Vorkass bezahle muschd. Doo freid sich nadierlich aach de Doggder, wanner nääweberuflich e Inkasso-Biro uffmache derf. Also das Ganze duud sich fier uns Kläänsparer ganz scheen sesammeläbbere. Doodezu passt awwer dann die Erkenntnis, midd der e Soziolooche uns in seinem neije Buch begliggd hadd: Ab 300 Milljoone Eichenkabbidaal bräucht mer sich kää Sorje meh se mache. Wammer mool sovill Geld hädd, das kind mer gar nimmeh uff de Kobb haue. Unn mer wäär doodemidd uff der sichere Seit. Weil bei mir midd zunehmendem Älder es Sicherheitsbedirfnis stark aansteije duud, doo lass ich schunn mool vorsorchlich de Hudd erummgehn. Ich nemme aach klääne Scheine, weil Kläänvieh joo aach Mist macht. Unner Fachleid nennt mer so Beträäch Pienadds. Unn das sinn uff Deitsch joo Erdniss. Wann ich mich richdisch erinnere, sinn das die Dinger, wo mer im Zoo an die Affe verfidderd, dass se brav Faxe mache. Odder wies uff echt saarlännisch hääscht: das doo kannschde de Hase genn.

Meistgelesen
Neueste Artikel
Zum Thema
Aus dem Ressort