Wir möchten auf unserer Webseite Cookies und pseudonyme Analysetechniken auch unserer Dienstleister verwenden, um diesen Internetauftritt möglichst benutzerfreundlich zu gestalten.

Außerdem möchten wir und unsere Dienstleister damit die Besuche auf unserer Webseite auswerten (Webtracking), um unsere Webseite optimal auf Ihre Bedürfnisse anzupassen und um Ihnen auf unserer Webseite sowie auch auf Webseiten in verbundenen Werbenetzwerken möglichst interessante Angebote anzeigen zu können (Retargeting).

Wenn Sie dieses Banner anklicken bzw. bestätigen, erklären Sie sich damit jederzeit widerruflich einverstanden (Art. 6 Abs.1 a DSGVO).

Weitere Informationen, auch zu Ihrem jederzeitigen Widerrufsrecht, finden Sie in unseren Datenschutzhinweisen.

| 21:13 Uhr

Awweile iss awwer Feieroowend

Wer schwäär schaffd, derf aach hinnerher zinfdisch feiere. Desweeje duud jedds e Lokalitääd in Dengmerd äämool im Moonad e Nohem-Schaffe-Paardi aanbiede. Dankenswerderweis hann se uff denne Ausdrugg Aafder-Wörk-Paardi verzicht, weil doo die Stimmung schunn glei im Keller iss

Wer schwäär schaffd, derf aach hinnerher zinfdisch feiere. Desweeje duud jedds e Lokalitääd in Dengmerd äämool im Moonad e Nohem-Schaffe-Paardi aanbiede. Dankenswerderweis hann se uff denne Ausdrugg Aafder-Wörk-Paardi verzicht, weil doo die Stimmung schunn glei im Keller iss. Unn e Worschd-Fabrigg duud zur Ferderung vunn zwischemenschliche Kontaggde glei aach noch e Liooner-Singel-Ringel offeriere. Ringelpietz zum Aanbeise sosesaan. Awwer aach wann so e Iewent noo der Aarwedd aangeseddsd iss, iss es nidd unbedingt se empfehle, fier doo in de Schaffklääder hinn se gehn. Odder in der saarlännisch Nazioonaaltracht, der Kiddelscherz. Kää Scherze verstehn oft aach die Werrde, wann die Gäschd unbedingt iwwer die Sperrstunn bleiwe wolle. Weil dier joo aach e rudimentäärer Aanspruch uff Priwaadlääwe hann. Das iss dann de Momend, wo die Stiehl demonschdratief sesammegestellt werre: Unn de Ruf erschallt: Feieroowend! Odder noch drastischer: Ei hann ihr kää Bedde dehemm! Ähnliche Probleeme gebbds joo manchmool aach im ganz priwaade Bereich, wann e paar vun denne, wo ingelaad ware, die Bemerkung, sie solllde doch noch e bissje bleiwe, ganz wertlich nemme. Awwer mer will sich joo als Gaschdgeeber nidd unbedingt als Hewwel aute unn unheeflisch sinn. Desweeje versucht mer dann durch die Blume dezent aansedeite, dass mer sei Scheenhäädsschloof breicht. Das niddsd bei dir sowieso nix meh, kried mer doo redour. Dann muss mer zu härdere Bandaasche greife: Ich bitte mei weerde Gäscht uff mei Wohl die Wohnung se leere, iss e einischermaase vormehmi Methood. Odder mer klobbd ganz wild uff sei Chronomeeder unn saad: Beesi Uhr, vertreibschd mer mei liebschde Gäschd!