Wann e Dengmerder Bub verzählt

Wammer vorische Donnerschdaach oowends in der Fuusgängerzoon war, doo hadd mer kinne menne, in der Stadtbiecherei werrd schunn e Fuusballspiel iwwertraa, so sinn die Leit geströmt. Doo hann se es neije Buch vum Manfred Kelleter vorgestellt unn se hann ziemlich Huddel gehadd fier die ganze Leit unnersebringe

Wammer vorische Donnerschdaach oowends in der Fuusgängerzoon war, doo hadd mer kinne menne, in der Stadtbiecherei werrd schunn e Fuusballspiel iwwertraa, so sinn die Leit geströmt. Doo hann se es neije Buch vum Manfred Kelleter vorgestellt unn se hann ziemlich Huddel gehadd fier die ganze Leit unnersebringe. Wo mitkrien wollde, uff was der sich als alder Dengmerder Bub so alles sei Reim druff gemacht hadd. "Luschd off Lääwe" heischt das Buch, wo sei Freind, de Zutter Albrecht, verleed gehadd hadd. Unn noo demm, was doo als Abetiddhäppche vorgetrah worr sinn, kried mer richdisch Luschd offs Lääse. Midd Mudderwitz unn Herzbluud verzählt er vun friejer unn vun heit, vun der Naduur unn de Mensche. Mer häddem kinne noch länger zuheere, awwer schließlich wollde die Leid sich das Buch nidd nur vorlääse losse. Desweeje hadds hinnerher uff sei Gebordsdaach fier ihne noch sosesaan e Handgemenge gebb. Er hadd nämlich misse ball nochmool so lang Autogramme schreiwe. Dass die Leit hann kinne saan, sie hädde e handsignierter Kelleter midd hemmgebrung. Er iss nämlich nidd bloos e Autor midd Luschd am Lääwe unn am Reime unn em Spiel midd Werder. Er iss aach noch e unheimlich produggtiefer Mooler, wie mer in dem Buch siehn kann. In seine farwefrohe Bilder hadder kinne sei iwwerschäumendi Phantasie besunnerschd scheen austoowe. Schwäär gudd gefall hadd mir e ganz korzes Gedicht, wo mer sich direggd fiers Poesiealbum inschpieriere losse kinnd: Mei beschdes Stigg iss ääs. Unn fier all die, wo des Dengmerderischen nidd matz sinn: Ääs, das heischt sovill wie ihm seins.

Mehr von Saarbrücker Zeitung