Kolumne Saarmòò Niggs wie Sòòrje ums Helleene!
Georg Fox beschäftigt sich mit Liebesleid und Liebesfreud der Schlager-Ikone Helene Fischer. Dabei verzichtet er dezent darauf, den neuen Traum-Job von Florian Silbereisen zu erwähnen.
Beinäggschd waar ääm die gans Weihnaachdsfrääd versaud gewään, wie mer geheerd hadd, dass de Flooriaan es Helleene hugge gelass hann soll. „Wie kann das aarm dribbsdrillisch Määde dòò iwwerhaubd noch uffdrähde, ohne Rodds unn Wasser dse heile?“, hadd mer sisch gefròòd. Unn wäär hadd die Schuld aan demm gans Schlammassel: „Äär naddierlisch! Wer sunschd?“ Erschd wie in der Dseidung geschdann hadd, dass Ääs e Neier hädd, isses ääm widder besser gang. Dò hadd mer awwer droddsdemm uffgebassd, ob soo was em Helleene nòògehd, woo Ääs doch de Weihnaachdsdaach drei Schdunne es Broggramm im Fernseher hadd mache misse. Awwers waar wie immer: Ääs hadd gedannsd, gesung unn geschwäddsd wie wann niggs gewään wäär! Unn de Daach denòò bei der Widderhoolung graad genausoo! Mer iss baff gewään, wie sisch das Määde beherrsche kann!
Dann hadd die Dseidung geschrieb, dass de neie Freind in finf Minnudde in 82 Unnerbuggse geschlubbd unn dòòdemidd ins Ginnessbuuch eninkumm iss. Ei saa mò, woo simmer danne? Sem Dunnerliddsche! In finf Minnudde pagg isch noch niddemò dsehn Unnerbuggse. Wie schaffd der das? Dsiehd der die Unnerbuggse mid Gleddverschluss iwwernanner aan, wanns woomeeschlisch so Unnerbuggse gebbd? Unn woofier iss das wischdisch, dass mer so ebbes kann, unn iwwerhaubd: Was saad es Helleene dòòdedsuu, wanner iwwer die ään Unnerbuggs noch 81 driwwer dsiehd? Isch glaab das jò nidd, wann isch so ebbes nidd mid eischne Aue gesiehn hann. Wolld er woomeeschlisch mid so Färdsjer em Helleene nuur imbonniere, wääs mers?
Aam Enn hann sisch es Helleene unn de Flooriaan gaar nidd gedrennd? Es is jò nidd alles juschd, was die Leid iwwers Helleene saan. Jeedefalls waare se leddschd im Fernseher widder beineggschd so gudd wie sesamme unn der nei Freind hadd sisch nidd siehn gelass! Mer wääs jò, dass im Schaubissness so FäägNjuus allemò fier de Schbass erfunn genn. Meeschlisch, dass die gans Uffreeschung fier die Kadds gewään iss? Kännd sinn, dasses Helleene aach nuur ebbes vun Drennung simmelierd hadd, fier dass de Flooriaan e bissje Schiss gridd unn nidd nääwenaus gehd? Odder de Flooriaan hadd sisch gedrennd, weil er nidd mid seine Unnerbuggse ins Ginnessbuuch kumm iss unn dò schäämder sisch jeddse, dassem e annerer de Rang abgelaaf hadd. Alles nuur Fròòe unn kääner wääs niggs Genaues! So isses, wann mer sisch allewei Sòòrje machd unn sisch (neideitsch) nidd „uffschlaue“ kann!
Georg Fox schreibt in rheinfränkischer Mundart. Sein neuestes Buch heißt „Saarlandfarben“ (www.edition-schaumberg.de). Seine Mundarttexte erschienen unter www.nachtgedanken-saarland.de.
