Ääs: Awei treffd mich de Schlaach! Dass derrf doch nedd wohr senn! Ei, wie hadd'n dass kenne passiere? Dass haut mich doch glatt um. Ei, do kannschde von Gligg sahn, dass dass nedd schlimmer ausgang iss. Ma derrf nedd draan denke, wie dass hädd kenne ausgehn. Wass hottschd du do e Saugligg! Dass hädd de Kopp koschde kenn. Do bischde awwer werglich m` Deiwel von de Schipp gesprung. Er: Ohjääh! Glaab'mas nor: Mir war's nemmeh ein Duun. Ach Gott, war's mir do so raulisch. Wass ich do meddgemachd hann, dass wünsch, kannschd'mas glaawe, nedd meim allergreeschde Feind. Ich hann schonn drowwe im Himmel die Veechel peife geheerd. Ei Gott! Ich weiß selwer nedd, wie ich dass iwwerelääbt hann Ich hann enn demm Moment werglich demm Dood enn die Aue geguggd. Werner Fried