Kannschde mò siehn, dass aus der Juuchend doch noch ebbes gebbd. Muggsmeisjeschdill isses im Dsimmer, wann dò so e paar Kerle uff Besuuch sinn. Dò paggd jeeder sei Eifoon ausem Sagg unn dann hugge dò finf Buuwe unn Määde dsesamme unn fuddschele mid em Dseischefinger uff der Glaasscheib erum, als gääde se innem Buuch rumbläddere, auser dasse nidd de Finger ab en dsuu legge. Awwer die gans Scheib gebbd verschmierd. Dòòvòòr hannse danne e Läbbsche, fier se widder scheen glaasglaar dse reiwe. Brauchschd der kää Sòòrje dse mache! Kääner schwäddsd mid ääm, all sinn se leis unn beschäfdischd. Der Ään mid seine Ihmääls, der anner mid em Wiggepeedja odder mid em Kombjuuder-Schbiel. Heidsedaachs waarde se aach gaar nidd, dasses Dellefoon glingeld. Se sinn schunn uffem Schbrung, obs woomeeschlisch glingele kinnd, fier dass mer nuur jò nidd verbassd, in de näggschde dswei Seggunne abdseheewe. "Wòdds-Äbb" heischd das, weils "Waards ab" nimmeh gebbd! De beschd iss jò noch, wann all aam Disch mid denne Dinger schbille: Se grien kää Grach midnanner! Awwer nò dswei Schdunne hannse aach kää äänsisch Word midnanner geschwädds. Veleischd hannse sisch e Määl odder e Ess-Emm-Ess geschiggd? Beinäggschd denggd mer, dass se aam Enn, wann das so weider gehd, noch verleere, midnanner se schwäddse. Wääs mers?

Georg Fox liest am 31. Oktober beim Mondscheinmarkt in Merzig. Demnächst erscheint sein neues Hörbuch "Òòmends schbääd". Hörproben unter: www.nachtgedanken-saarland.de .