E glääner Fimmel iss soorer, denne wo mer nur danne rischdisch mergd,wammer gans genau hinguggd. Meeschlisch, dass sisch ääner immer aan derNaas graddsd odder allgebodd mid de Aue dswinggerd, wie wennem ebbeseningeflòò wäär. Isch hann schunn Leid mimme Fimmel gesiehn, die sinnsunschd eischendlisch gans figgs gewään. Awwer die sinn middem Jubbe lingserum gemuschderd erumgelaaf odder hann die Kabb middem Schnabbe nò hinneaangedsòò. Annere hann jeeder Sadds mid "Ei" aangefang odder mid "Heerdoch mòò dsuu!"Naddierlisch hadd manscher aach e Fimmel, bei demm er sisch ebbes in deeischne Sagg ninmachd. In meiner Gneib, dò dringgd ääner immer drei Bierunn e Kurdser, unn hinnerhäär saader danne, er wäär geesche de Algehool.Bei so me groose Fimmel kummd mer wirglisch schunn ins Simmeliere, weilmer doch denggd, ob ääner noch gans juschd iss. Isch menn, mer kann jòdringge, sevill wie mer will, awwer danne noch driwwer schwäddse!? Ischkenn dò ääner, der kennd ääner, wo all Brille sammeld, die woorer alsNaasefahrraad jeemòòls gehadd hadd. Das wäär jòò jeddse noch niggsBesonneres. Awwer de Fimmel vun demm iss, dasser in seim Wohndsimmer vunder Degg e Nedds hadd runnerhänge lasse, wo all die Brille draan uffganggenn sinn. Dò sinn iwwer die Jòhre immer noch e paar meh debeikumm, dasserirjendwann mid seim Brillebaam vun der Degg uffem Boddem aankummd, wannerdas noch erlääbd!Mei ään Schweschder hadd aach soo e Sammelfimmel. Die sammeld Ellefande.Äämòò hadd se dòòdemid aangefang unn kann jeddse nimmeh uffheere. Wann diee Geburdsdaach hadd, griddse kä Bluume, kä Grimsgrams unn kä Schdaabfängergeschenggd. Die gridd allgebodd nuur Ellefande. Groose, glääne, digge,dinne, aus Hols, aus Blasdigg, aus Bordselaan - was wääs isch, aus was dieganse Dinger gemachd genn. Nuur e eschder Ellefand haddse noch nidd gridd.Das wäär danne wirglisch es Greeschde, was mer däär noch schengge kinnd.Ich fròò jò nidd, was bei eisch so gesammeld gebbd!In de Feerje hannisch ääner gedroff, der hadd de Fimmel gehadd, dasseriwwer alles schwäddse kunnd, aach wanner mòò niggs se schwäddse gehaddhadd. Däär iss sooe Halbschduddierder gewään, der iwwer allesfillesefierd. Unn wo däär schunn iwwerall gewään iss unn was der allesgesiehn gehadd hadd - dò bischde baff gewään! Awwer nòòhäär hadd mergemergd: Der iss aus seim Loch noch nie rischdisch rauskumm gewään. Allesnur middem Finger uff der Landkaard! Dò kammer mò siehn, wo soo e Fimmeldoch hinfiehre kann. Aam Enn hadder eischendlisch gaaniggs unnwidderniggs, - auser seim Fimmel.Isch hann aach mò ääner gedroff, der hadd de Fimmel gehadd, dasser inSaarbrigge all Schdròòse auswensisch gelehrd hadd. Unn der Dòò iss nochniddemò vun dòò gewään. Muschd nidd menne, dasser Taggsifahrer gewään issodder veleischd Briefdrääer. Wohäär! Der waar irjend sooeSchreibdischhengschd unn hadd sisch de Schbass gemachd, uffem Schdaddblaannòò unn nòò se gugge, wo welsche Schdròòse leie. Uff so figgse Iddee'ekumme jòò nuur irjendso Häärgeloffene, die niggs Besseres se duun hann. Eischendlisch binn isch froh, dass isch gaakä Fimmel hann. Wenniwwwerhaubd, danne schreib isch ab en dsuu uff, was die Leit mer soverdsehle. Awwer dass soo ebbes e Fimmel wäär, gääd isch jeddse nidd graadsaan.