Nidd seleddschd weeje seine drei Neffe, emm Tick, Trick unn Track. Das ware nämlich ganz fixe unn schlaue Kerlcher.Vunn ihrem Ongel hadd mer eichendlich nie so richdisch gewisst, was der beruflich iwwerhaupt gemacht hadd. Annererseits, als Enterich hadder joo nidd besunnerschd vill Auswahl gehadd.In Bezuch uff Ente fallts emm joo sowieso schwer fier doodriwewer kää Kalauer se mache. Von der Sord: Ente gut, alles gut. Schunn garnidd imme Druggerzeuchnis. In der Branche iss die Zeidungs-Ent nämlich e gefürchtetes Stigg Vieh.De Wahlspruch vum Chefredaggtör hääscht desweeje joo aach: Die Ente bleibt drause! Wobei der gar nidd unbedingt Müller-Lüdenscheid hääsche muss.Uff der anner Seit iss so e Entche, wie mer se jedds widder in Schüre im Weijer erummfliddse sieht, joo ebbes Knuddelisches. Vor allem aach als Quietsche-Entche. Wobei Ente eichendlich in der freije Naduur nidd quietsche, die duun eejer quake. Obwohl se annererseits widder kää Frösch sinn. Mer sieht, es iss alles nidd so äänfach midd der Zoologie.Em Schorsch sei Enkelsche, der hadd im Fernsehn immer ebbes geheert gehadd vumme Entertainer. Unn hinnerher hadder zu seim Opa gesaad: Wann ich groß bin, doo werr ich aach Ente-Trainer.Die arme Ente misse awwer leider aach zu bestimmte Geleeschenhääde fier de Entebroode herhalle. Es muss noch niddmool in Peking sinn. Annererseits saad de Volksmund machmool: Da brat mir einer einen Storch. Awwer das midd dem Storchebroode hadd sich leddschden Endes kulinarisch nidd so richdisch durchgesetzt.