Ballascht abwerfe unn entschlagge

Mer duud sich joo bei gesellschaftliche Ereichnisse gääre uff Althergebrachtes berufe. Desweeje iss aach es Etikett tradizionell e schwäär beliebdes Gütesiechel. Wo manchmool schunn vergebb werrd, wann ebbes maximal e Dutzend Johr uffem Buggel hadd. Die graad verflossene Faasenacht iss nadierlich schunn wesentlich älder

Mer duud sich joo bei gesellschaftliche Ereichnisse gääre uff Althergebrachtes berufe. Desweeje iss aach es Etikett tradizionell e schwäär beliebdes Gütesiechel. Wo manchmool schunn vergebb werrd, wann ebbes maximal e Dutzend Johr uffem Buggel hadd. Die graad verflossene Faasenacht iss nadierlich schunn wesentlich älder. Awwer wasmer middlerweile in unserer Spasskulduur e bissje unner de Disch falle geloss hadd, das iss der Umstand, das die eichendlich nur in Verbindung midd der anschliesende Faschdezeit entstann iss. Doo sinn noo de Feschtiwitääde ganz selbschtverständlich die Fastiwitääde kumm.

Geeje Enn vumm Winder, wo die Naduur uff Sparflamm gepolt iss, doo hadd mer das zum Anlass genomm fier selwer aach e Gang seriggseschalte. Unn zum Zwegg der Besinnung mool widder in sich se gehn. Awwer was mer doo so se siehn kried, das duud emm meischt ach nidd unbedingt uffmundere. Unn mer denkt sich: doo misst mool grindlich uffgeraumt werre. Unn so sinn dann die Friehjohrskuure entstann. Wo mer die Schlagge widder loswerre will, die wo doodurch entstann sinn, dass mer die Unmasse vunn Kohle-Hüdraade verbrennt hadd. Unn wo mer Ballascht abwerfe will. Obwohl joo seltsamerweis graad die Ballaschtstoffe so gesund sinn solle. Faschde hadd allerdings nix midd Faschd Food se duun, weil das, wie de Noome schunn saad, ebbes iss, was beinäägschd ebbes midd Esse se duun hadd. Es Problem midd dem Faschde iss joo, dass mer das, wo mer normalerweis gääre zu sich nemmt, zeitweise vum Speiseplan streiche muss. Unn das iss kää Zuggerschlegge. Odder wie de Wilhelm Busch so scheen gereimt hadd: Enthaltsamkeit ist ein Vergnügen an Sachen welche wir nicht kriegen.

Meistgelesen
Neueste Artikel
Zum Thema
Aus dem Ressort