| 21:08 Uhr

Ei Sagg Zement!

Aufgepickt. Seit einischer Zeit gebbds joo in de Geschäffde Plastigg-Tuude nur noch geeje Bares. Damidd die Leit liewer ihr eichene Tasche mitbringe sollde unn doodurch die Umwelt entlaschde. Bei uns im Saarland saad mer allerdings zu rer Tasch eejer Sagg. Wesweeje es dann aach Saggduuch hääscht unn nidd Tascheduuch. Unn sogar bei de Franzose iss die Handtasch e sac-à-main. Die widderum iss e spezieller Fall unn eichendlich e Wertstoff-Sagg, weil doodrinn alles Wichdische, was e Fraa so zum Lääwe braucht, versteggelt iss. Erstaunlicherweis iss vunn soome Behälder oft die Redd, wanns um Viehzeich geht. Die Atzel

Seit einischer Zeit gebbds joo in de Geschäffde Plastigg-Tuude nur noch geeje Bares. Damidd die Leit liewer ihr eichene Tasche mitbringe sollde unn doodurch die Umwelt entlaschde. Bei uns im Saarland saad mer allerdings zu rer Tasch eejer Sagg. Wesweeje es dann aach Saggduuch hääscht unn nidd Tascheduuch. Unn sogar bei de Franzose iss die Handtasch e sac-à-main. Die widderum iss e spezieller Fall unn eichendlich e Wertstoff-Sagg, weil doodrinn alles Wichdische, was e Fraa so zum Lääwe braucht, versteggelt iss. Erstaunlicherweis iss vunn soome Behälder oft die Redd, wanns um Viehzeich geht.


Es werrd zum Beispiel devunn abgerood, fier die Katz im Sagg se kaafe. Was awwer e ziemlich seltsames Konsumverhalde iss. Falls ebbes bekannt werrd, was mer vorher nidd gewisst hadd, dann iss die Katz endlich ausem Sagg. Wammer midd klääne Kinner se duun hadd, kried mer e Ahnung devunn, wie es iss, e Sagg voll Fleeh se hiede. Friejer, wie die Pädagogigg noch brachialer war, sinn die dann vumm Niggelaus in denne Sagg gesteggd worr. De Knibbel ausem Sagg kummt allerdings nur im Märche vor. Was es awwer vor iwwer fuffzisch Johr werklich mool gebb hadd, das war die beriehmt-berichdischd Sagg-Mode. Das ware sellemools so e Art Breitwand-Klääder, allerdings ohne Asche uffem Haupt. Wann die effendliche Hand ihr Hand uffhallt unn das Geld, das wo se doodebei insäggele duud, in me Behälder verstaut, doo nennt mer denne de Staats-Säggel. Was in dem Fall dann awwer kää Beleidischung iss.

In Dengmerd, wo seit einischer Zeit pleddslich an mehrere Stelle Stroose versperrt sinn, hann se jedds sogar - uffem Howwels - e ganz neijer Verwaldungsbegriff kreeiert: e bedarfsgerechdi Sagg-Gass.