Emm Kaiser sei neiji Stroos

Emm Kaiser sei neiji Stroos

Dengmert iss joo ganz friejer, am Aanfang vum neinzehnte Johrhunnerd, vum Zibbel vun der Weltgeschicht ihrem Maantel gestreift worr. De beriehmde Goethe iss zwar knapp draan vorbei geridd, weil unser Bersch graad nidd am Brenne war. Awwer doodefier war de Napoleon doo. Also nidd, dass der sich hie lang uffgehall hadd, der iss doo nur midd seinem ganze Heer kurz durchgebredderd

Dengmert iss joo ganz friejer, am Aanfang vum neinzehnte Johrhunnerd, vum Zibbel vun der Weltgeschicht ihrem Maantel gestreift worr. De beriehmde Goethe iss zwar knapp draan vorbei geridd, weil unser Bersch graad nidd am Brenne war. Awwer doodefier war de Napoleon doo. Also nidd, dass der sich hie lang uffgehall hadd, der iss doo nur midd seinem ganze Heer kurz durchgebredderd. So Grenzreeschioone wie bei uns, die hann das so an sich, dass doo immer die strategische Laache uff Durchmarsch steht. Das war schunn bei de alde Reemer so. Doo sinn in stermische Zeide all meeschliche Trubbe durchgezooh. Unn zwar meischdens gleich zwämool: Änmool bei Uffmarsch unns nägschde Mool midd de traurische Reschde beim Riggzuuch. Damidd dass das midd dem Nooschuub aach reibungslos klabbe solld, hadd de Napoleon sellemools die Stroos vun Metz bis Mainz massief unn durchgeejend ausbaue losse. Unn desweeje iss die Kaiserstroos aach noo ihm bennent worr. Unn nidd etwa noom Beckenbauer, wie mei Kumbel Schorsch, der Banause, gemennd hadd. Die voorisch Woch hadd de Rohrbacher Hisdoorigger unn Heimatforscher Friedrich Müller e scheene lehrreicher Vortraach zu dem Thema gehall, iwwer die Probleeme midd der nei Stroos speziell in Rohrbach. Die Leid, wo das Pech gehadd hann, dass ihr Heiser beim Stroosebau im Wäsch waare, hann doo nämlich Huddel midd der Regierung kried, die wo doomols in Paris gehuggd hadd. Unn die Betroffene, die ware so grimmelwiedisch iwwer die Maasnahme, dass doo ebbes passiert iss, was die Weltgeschicht noch nidd erlaubt gehadd hadd: die Rohrbacher un die Dengmerder hann sich sesammegeschloss unn hann gemeinsam uff Entschädischung geklaachd.

Mehr von Saarbrücker Zeitung