1. Saarland

Dengmerder Haasegespräch

Dengmerder Haasegespräch

Im Lääwe sinn joo die Verhältnisse meischd nidd äändeitisch, meh so entweeder - odder. Entweeder groos odder klään, sies odder sauer, beweeschlisch odder feschd. Nur Ooschdere iss e scheenes Beispiel doodefier, dass ebbes aach gleichzeidisch das ään unn das annnere sinn kaan. Ooschdere geheerd nämlich zu de sogenennde beweeschliche Feschde

Im Lääwe sinn joo die Verhältnisse meischd nidd äändeitisch, meh so entweeder - odder. Entweeder groos odder klään, sies odder sauer, beweeschlisch odder feschd. Nur Ooschdere iss e scheenes Beispiel doodefier, dass ebbes aach gleichzeidisch das ään unn das annnere sinn kaan. Ooschdere geheerd nämlich zu de sogenennde beweeschliche Feschde. Dass das Feschd jeed Johr uff e annerer Termin falld, das leid irjendwie am Kalenner, hann ich mir saan geloss. Unn es hängt middem Mond unn weidleifisch sogaar noch midd Faasenaachd sesamme. Odder umgekehrt. Uff jeede Fall macht sich an soome beweeschliche Feschd de Beweeschungdrang vun de Leid bemerkbar. Weil joo jedds aach Ferie sinn. Unn die sinn, nääwe de Schoggolaadehase, joo midd es scheenschde an Ooschdere. Unn in Dengmerd gebbds sogar e dolles Ferieprogramm extra fier die Kinner, wo die ihr nääjeri Umgeewung mool kenneleere kinne. De vorgezoone Ooschdermarkt war joo schunn, unn doo hadd mer sich kinne midd Friejohrsgarderoob unn nadierlich midd Haase in all Preisklasse vorsorschlisch indegge. Mer guggd joo nidd so richdisch dahinner, warum ausgerechend die puddsische Mümmelmänner an Ooschdere so masseweis ufftauche. Awwer mer schwääds sonderbarerweis bei denne ihre Ohre joo aach vun Leffel. Wahrscheins weeje de Eijer, wo die aangeblich in die Neschder leeje. Wer sich awwer bei dem ganze Haasegespräch noch dunkel draan erinnert, was an Ooschdere eischendlisch gefeiert werrd, und wers gääre e bissje besinnlicher hann will, der kann sei Spaziergang noo Owwerwerzbach verleeje unn dort denne scheene Kreuzwää entlang pilchere. Unn kann die Oschderglogge nidd bloos betrachde, er kannse dann aach laude heere.