Äämool tief Luffd holle

So wies Bäämche unn die Kerze unn die Pläddsjer geheert zu Weihnachde aach jeed Johr widder die Rennerei unn de Innkaafs- unn Geschenke-Stress. Obwohl die Grundidee joo urspringlich mool in die anner Richdung gewies hadd. Mer nemmd sichs joo aach immer widder vor, fier das Ganze mool e bissje ruuischer aangehn se losse. Awwer irjendwie kummd immer ebbes dezwische

So wies Bäämche unn die Kerze unn die Pläddsjer geheert zu Weihnachde aach jeed Johr widder die Rennerei unn de Innkaafs- unn Geschenke-Stress. Obwohl die Grundidee joo urspringlich mool in die anner Richdung gewies hadd. Mer nemmd sichs joo aach immer widder vor, fier das Ganze mool e bissje ruuischer aangehn se losse. Awwer irjendwie kummd immer ebbes dezwische. Weils äänfach so vill gebbd, was alles schief laafe kann. De Baam noodelt, de Broode verbruddscheld, odder es Geschenk fier de Klään funkzionierd nidd. Unn dann laafd de Babbe aach noch in de Fies rum unn duud sei gewohnheitsmääsischer Beidraach zur Heggdigg leischde. Unn die Kinner wo uffs Chrischdkind waarde solle, sinns Waarde nimmeh gewehnt. Die Nerve sinn so dinn wies Lamedda un mer kinnd menne, die Familje wär an die Lichderkedde aangeschloss, so stehn se all um die Middachszeid schunn unner Stroom. Awwer die, wo kää Familie hann, sinn aach nidd vill besser draan unn duun die Familie weeje ihrem harmonische Sesammelääwe beneide. Eichendlich wär graad jedds die Zeid, wo mer mool e bissje zur Besinnung kumme unn verschnaufe kinnd. Es sinn joo diesmool e ganzer Haufe freie Daache direggd hinnereinanner, was de gemeine Aarwednehmer freie duud. Awwer vielleicht iss genau das meh wie mir verkraffde kinne. Desweeje helft, wanns heggdisch werrd, nur ääns: Äänfach zwischedrinn e Gang serigg schalde unn mool korz tief Luffd holle. Odder drause Luffd schnabbe gehn unn e paar Runde um de Blogg drääje. Doo werrd de Kobb nommool frei unn mer kummd widder zu sich. Unn dann werrd em uff äämool aach widder klaar: an Weihnachde soll mer sich nidd kinschdlisch uffreeche. Weihnachde das muss mer geniese.

Meistgelesen
Neueste Artikel
Zum Thema
Aus dem Ressort