ALLESPROFIS.DE - Profis für alle Lebenslagen
Sie sind hier: HomeSaarlandSaarpfalz-KreisKolumnen

Diplomierde Sternegugger



St. Ingbert
Diplomierde Sternegugger
Von Die Atzel,  01. Dezember 2016, 02:00 Uhr
Die Atzel

Noo dem indruggsvolle Subber-Mond kommt jedds langsam die Hochsääsong vunn de Sterne. Als Leuchtkerper, aus Holz, Babier odder Staniol, zum Uffhänge odder zum irjendwo Druffbabbe. Am leggerschde, finn ich, sinn joo die midd Zimt. Mei Freind Schorsch iss doo eejer fier Flüssisch-Produggde, wo gleich 3 Sterne druff sinn.Sterncher, was uff Englisch Star hääscht, nennt mer joo aach die Prominende vunn Funk unn Fernsehn. Wobei der Ausdrugg „shooting star“ joo uff Deitsch eichendlich Sternschnubbe hääscht. Also wo ganz fix widder verglühe.Im Geejesadds zum Wein, der wo um die Zeit aach iwwerall glüht, duun die richdische Sterne joo funkele. So e klarer Sternehimmel naachds in Cinemascope iss werklich e iwwerwäldischendes Naddurschauspiel.Manche menne joo dann imme romandische Iwwerschwang, sie kinnde die Sterne fier jemand errunnerholle. Awwer falls das aus technische Gründe doch nidd klappt, kammer se sich unner Middhilfe vumme Teleskop weenischdens aus der Näh aangugge. Immer noch besser in die Sterne geguggd, saan ich immer, als wie in de Mond.In Dengmerd werrd Sternegugge jedds sogar e Unnerrichtsfach.

In der Albertus-Magnus-Realschul kammer nämlich Astronomie mittlerweil uffem Lehrplan wähle. Die junge Leit, wo sich doodefier begeischdere, duun vunn hööjerer Warte, der Dachterass, aus die Himmelkerper beobachde. Unn fier das Ganze se finanziere, bringt de Astrofotograf Gernot Meiser e Kalenner midd phantasdische Foddos eraus. Mer kann nur hoffe, dass beim Verkauf aach halbweechs astronomische Summe erauskomme.Die Astronomie sollt mer aawer nidd verwechsele midd der Astrologie. Wie de Klään neilich gesadd hadd: Die Oma lääst gradd ihr Horospokus.

St. Ingbert

Viele rechnen noch in D-Mark

Die D-Mark hat so viele durchs Leben begleitet, dass sie sich ungern von Restbeständen trennen. Oft sehen Bundesbank-Mitarbeiter alte Scheine und Münzen erst, wenn die Erben des früheren Besitzers kommen.Mehr



Teilen und diskutieren

Kommentieren Sie diesen Beitrag über Facebook, Twitter oder Google+:

FACEBOOK
GOOGLE+
TWITTER


Homburg-App:

Termine, Müll-Memo, Ihre Tipps und Hinweise an die Stadtverwaltung uvm.



App der Stadt Homburg/Saar in Zusammenarbeit mit SZ Digital Service > Mehr Infos


Anzeige
Neu für Vereine:
SaarZeitung

Termin melden

Text schicken
Lokalausgabe Homburg
Jetzt die SZ lesen:

ANZEIGE
Tipps


ANZEIGE
Beilagen





Anzeige